Biblioteksjef, i inntil 50% vikariat

Om stillinga  Gulen kommune søkjer ein engasjert og initiativrik vikarierande biblioteksjef. Det vert ledig i inntil 50% vikariat kring november 2026 til medio oktober 2027. Biblioteksjefen skal, saman med bibliotekmedarbeidarane i Gulen kommune, stille bøker og andre medier til rådigheit for innbyggjarane. Biblioteket skal bidra til kunnskap, utdanning og andre kulturelle aktivitetar, samt vere ein offentleg arena og møteplass.  Bibliotektenesta i Gulen kommune er i utvikling og me jobbar med lokasjon for hovudbiblioteket og utvikling av noverande filial. Som vikarierande biblioteksjef vil du vere med i dette utviklingsarbeidet og legge til rette for ein god prosess. Gulen kommune har desentralisert bibliotekteneste. Hovudbiblioteket ligg i kommunesenteret Eivindvik, og det er filialar i skulekrinsane Brekke, Byrknes og Dalsøyra. Det er eigne bibliotekmedarbeidarar ved filialane. Biblioteksjefen har kontor i Eivindvik, og er organisert under sektor oppvekst og kultur og eining kultur og mangfald. Som vikarierande biblioteksjef vil ein ha tett samarbeid med einingane i sektoren, noko som skapar godt tverrfagleg samarbeid.  Arbeidsoppgåver  • Ansvar for og deltaking i dagleg drift og utvikling av bibliotektenestene i kommunen • Legge til rette for og gjennomføre arrangement  • Administrere oppgåver  • Sikre at bibliotekverksemda følgjer gjeldande lover, reglar og nasjonale føringar for bibliotek • Rettleiing og oppfølging av biblioteksmedarbeidarane, deriblant bruk av VismaTid   • Andre oppgåver som måtte kome til  Noko kveldsarbeid må påreknas Me tilbyr  • Ein kjekk arbeidskvardag i ein kommune i utvikling • Spanande og varierte arbeidsoppgåver i eit tverrfagleg miljø • Her er gode vilkår for fagleg utvikling og moglegheit for styring av eigen arbeidskvardag • Gode forsikring- og pensjonsordningar Kvalifikasjonar  • Godkjent bibliotekarutdanning frå høgskule eller universitet jamfør "Forskrift om kvalifikasjonskrav for ansatte i folkebibliotek". Andre kan også verte vurdert dersom me ikkje får kvalifiserte søkjarar   • Erfaring frå arbeid i bibliotek er ein fordel • God IKT- og systemkompetanse  • Gode skriftleg og munnleg framstillingsevne. Må kommunisere godt på norsk • Førarkort klasse B Personlege eigenskapar  • Brenn for biblioteket sin plass i samfunnet • Må vere engasjert, serviceinnstilt, strukturert og fleksibel • Må ha gode evner til både samarbeid og sjølvstendig arbeid  • Å vere personleg eigna kan verte vektlagt ved tilsetjing  Anna  • Tenestespråket i Gulen kommune er nynorsk • Tilsetjing etter gjeldande lover, føresegner og avtalar   • For tilsetjing innan pleie og omsorg, miljøteneste, barnevern, i skule, SFO og i barnehage, vert det stilt krav om politiattest etter aktuell/gjeldande lovheimel før oppstart i stillinga. Det skal berre krevjast politiattest av den som får tilbod om stillinga • Vi gjer merksam på at søkjarlister med namn, kjønn, alder og noverande stilling er offentleg informasjon. Dersom søkjarar likevel ber om konfidensiell handsaming, og grunnen for å unnta offentleggjering ikkje vert godkjent, får søkarjen høve til å trekke søknaden sin før offentleggjering